دردشة في الحب مع هدي واماني

إزاى تتم المواجهة أو المصارحة بالحب و هل تتقبل أن يصارحك من يحبك بحبه؟

هى المفروض تتم من عند طريق الولد

والمفروض انة يصارحها بحبة لانها ممكن تكون بتحبة وهو مش عارف ف المفروض المصراحة

ازاى بقى يقولها عادى

شكراً يا مى ومستنى باقى الردود من باقى الأعضاء

طبعا لازم من المصارحة لان ممكن كل واحد يكون بيحب التانى والاتنبن ميعرفوش

وطبعا لازم المصارحة تتم من الولد

انا رايى من راى نور

انت اية رايك يا برنس

سوال جديد بقى

و الله أنا رأيى فى الموضوع ده إن فى الحب المواجهة هى أصعب حاجة بس مش أهم حاجة مع الأخذ بالإعتبار إنها مطلوبة و أحياناً المواجهة بيبقى نتائجها سلبية مش لازم إيجابية و أحياناً اللى بيحب مبيقولش للى بيحبه إنه بيحبه عشان ميخسرش أى حاجة تربطه بيه لكن و مع ذلك فالمواجهة مطلوبة فى مرحلة ما أما المواجهة لازم تتم من طرف مين فمش لازم الولد هو اللى يواجه مع إن ده المطلوب و ده اللى لازم يحصل لكن البنت مهما كانت إنسانة و أكيد هى مادام بتحب هتبقى عايزة على الأقل تعمل أى حاجة عشان تلفت إنتباه الطرف الآخر و تفهمه إنها بتحبه من غير كلام يعنى بتصرفاتها بالنظرات كده يعنى لكن المواجهة لازم مطلوبة طبعاً بس الأهم من كل ده إنه ميكونش حب مراهقين و الكلام الفاضى ده اللى هو ممكن الواحد يقول لواحدة إنه بيحبها و تانى يوم يكون ناسى إسمها غير كده و لو ده حب حقيقى فأكيد يستاهل المواجهة

كلامك مظبوط يا عمر
كلام تمام اوووي

طيب انا عندي سؤال جديد

للبنات
تفضلي انك ترتبطي بواحد انتي بتحبيه وهو ممكن يكون هيرتبط بيكي بس مش بيحبك زي ما بتحبيه ولا واحد بيحبك وعايز يرتبط بيكي؟؟؟؟؟

للولاد

تفضل انك رتبط ببنت بتحبها ولا ببنت بتومت فيك؟؟؟؟

عايزة رايكوا بكل صراحة يا بنات
والولاد كمان

انا افضل طبعا انى ارتبط بواحد بيحبنى حتى لو انا مش بحبة بنفس القدر لان حبة ليا حيخلية يعرف ازاى يحببنى فية

طبعاً أفضل إنى أرتبط بواحدة بتموت فيا لسبب بسيط لأنه إستحالة أنا حد يحبنى بالشكل ده و مش هاحبه و كمان الواحد بيبقى متأكد من شعور نفسه إذا كان بيحب و لا لأ طب لما كمان يبقى متأكد و ضامن شعور الطرف الآخر ده يعنى يبقى أحلى حاجة بس كمان المهم إن انا زى ما البنت دى أنا حاسس إنها بتموت فيا أنا كمان أبادلها الشعور و هو ده الحب.

ميرسي يا نور انتي وعمر
علي رايكوا
وفي انتظار باقي الاعضاء وارائهم

وانا راى من راى نور برضو

انا كمان افضل انى ارتبط بواحد يكون بيحبنى جدااااااااا

ازاى نفرق بين الحب والاعجاب

والله يا ميوي دة سؤال صعب شوية
انا شايفة ان الاعجاب جزء من الحب يعني بداية الحب الاعجاب
عمر ما حد هيحب حد الا اما يعجب بيه الاول
انتي بقي عايزة تفرقي ما بينهم
الحب اظن انه بيبقي واضح اوووي يعني مش بتبطلي تفكير في اللي بتحبيه
ودايما نفسك تشوفيه واول اما تشوفيه بتتلخبطي
الاعجاب بيبقي درجة خفيفة اوووي من الحب لانه لسة في البداية
انتي ممكن تعجبي بحد من موقف عمله او من تصرف او من حاجات كتير
ممكن الاعجاب دة يكون لوقت وينتهي وممكن يستمر معاكي ويتحول لحب

اتمني اني اكون عرفت اجاوب علي السؤال

انا رايى ان الاعجاب ممكن يحصل عن طريق السمع عن شخص معين اكتر من مرة من غير ما تكونى شوفتية او كلمتية

اما الحب ممكن يحصل بمجرد نظرة

كمان فى موضوع فى منتدى كلام فى الحب اسمة الفرق بين الحب والعشق

اعتقد اسمة الافضل الفرق بين الاعجاب والحب

اقروة

دي وجهة نظر برضه عن الفرق بين الحب والاعجاب
وانا هقرا الموضوع
تسلمي يانور علي مشاركتك يا قمر
وانك نبهتيني للموضوع

ميرسى جماعة على ردوكم

فين الاسئلة الجديدة

هاي عليكوا يا أحلي ناس

انا معايا سؤال جديد
ومستنية ردودكم

هل ممكن الحب يموت بسبب الوقت؟؟؟

والله ممكن اوى يا هدى

فى مثل بيقول البعيد عن العين بعيد عن القلب

بس انا اقدر اقولك انة لو حب بجد عمرة ما يموت مهما فات الوقت

ايوه الحب اللى بجد عمره ما يموت

أنا شايف إنه لو حب بجد هيفضل جوه القلب بس ده ميمنعش إن ممكن إن الواحد يكمل حياته عادى بس الأكيد إن الحب هيفضل ف قلبه

انا معاك يا برنس فى رايك

ميرسيه اووووي يا نور ود/زيدان وعمر وميوي
علي اهتمامكم وارائكم وردكم
وكل سنة وانتوا طيبن

عيـــــــــــــــــد فطر مبــــــــــــــارك
عليكم جميعا

وانتى طيبى يا هدهد يا حببتى

العفو يا هدى و كل سنة و كلكم طيبين

كل سنة وكل الاعضاء الحلوووووين طيبين

ايه محدش هيسأل بقي ولا ايه؟؟؟؟

وحشتنى يا هدهد Cry

» دردشة رمضانية مع هدي واماني
» صحيح..... قد يكون الملل َ موجود في الحب...ولكن الحب لا يموت..!!
» ليـــس من يتكلم عن الحب ... كمن يتألم من الحب.
» خريف الحب فى عيد الحب
» الحب كل شى